Wael KfouRy Site

.
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 كلمات المواويل للking

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
angel eyes
عضو طقع
عضو طقع
avatar

عدد الرسائل : 63
العمر : 27
Localisation : THE MIDDLE OF NO WHERE
تاريخ التسجيل : 16/08/2006

مُساهمةموضوع: كلمات المواويل للking   17/8/2006, 4:50 am

موعود:
.......
موعود فيها صار الي مدة
ولما تلاقت يدها بيدي
قلت بدي شكلك بالورد
قالت أنا بالعكس ما بدي
...............
فرشتلها ريش نعام تخوت
وبوردتها بهبة نسيم الليل
وجبتلها حبة من الياقوت
تلمع بصدرا متل نجم سهيل
وقلتلها يا حاضري وغدي
عطفك هدايا الحب لا تردي
غطت زنود العاج بالديباج
وقالت اذا بتريد ما بدي
...............
سحبت من عمر الزمن خيطان
بتلبق بلون شفافها الحمرة
وطرزت فيهن قبة الفستان
الي رح تحترق من تلجة الجمرة
وقلت لبسيهن والشمس حدة
فزعان تكوي الورد الي مندي
قالت ما فيها شمس تكوي شمس
وعن اذنك فساتين ما بدي
...............
وليلة شربت السحر وتغيرت
ودخلت غرفتها ورا الأحلام
وقربت من صوب الفراش
وصرت رش الغفا بعيونها تتنام
نامت وحلمت حالها حدي
وصارت تطبع جمر عاخدي
وشو خفت يفلت من عيونها الحلم
وتوعى الصبح و تقول ما بدي
...............
ولما عرفت ما في أمل يحلا عنقودها
فتشت عأحلى ولما عرفت العصفور منها طار
ومن غير وعي ومن عيونها الكحلى
من القهر نزلت دمعة الياريت
تكوي زرار بعروة المريول
وصارت بعد ما تركتها وفليت
تركض ورايي حافية وتقول
دخلك شدني وغمرني بدي
إغفى و أعمل زندك مخدة
قلتلها سبحان كيف وقت الي صار بدك
مابقى بدي
...........
عم أكذب عليكي:
..............

لا بحبك و لا بموت فيكي
ولا أنا متعلقةروحي بإيديكي
ولا وجدك بقلبي بصراحة
في معك شي 15 عاشقة شريكة
حلوين شو حلوين والبشعة حلاها متلك
ولأ زايد عليكي
وقديش قلتليك انا ما بدوب إلا بورد خديكي
ولا بجن إلا بسحر عينيكي
عم بكذب عليكي
وما بنكر كتبتك على شفافي صدف
ونسيت امحيكي
ألفتك لقلبي قصيدة وما عرفت عدن قوافيكي
قلتلك غناني الغزل متل العسل
يا نسيها انتي يا بنسيكي
بتتذكري قلك إذا بدك على سطح القمر هلق بوديكي
ومنوين في عندي مراكب عالقمر تيسافروا فيكي
وقلك إذا بدك شمس متل الشمس هالفوق بهديكي
وبتعرفي ما في شمس متعلقة بداير شبابيكي
وبتتذكري كومة مكاتيب العشق الي بعتهن للبعشقا
عن غشمنة ساعي البريد موصلن ليكي
ولما كنت ناديكي يا روحي ياعمري يا حبيبة هالعمر
كنت انسى اسمك الي فيه ناديكي
والبوسة الي مترخة بعشرين آب العصر
ماكانت الك بس بطريقي اتفركشت فيكي
ومرقوا شفافك بالغلط على شفافي
وما بقصدك و حياة عينيكي
شو صرلك زعلتي يا تسلميلي أنا
لا تصدقي
عم أكذب عليكي
...........
من بعد ألف نهار:
...............

من بعد ألف نهار
من بعد ما تعب وهرا عصايتو المشوار
من بعد ما ملت الغربة من الغريب
ومل من هالمركب الإعصار
ورجعت
دقيت باب الدار
هالدار الي مخبى صبية
عمرها ما بذكروا شو صار
بتذكرا حلوة وبعلمي ما بتدبل
زهرة الجلنار
وهالباب الي بعرفوا شعلة صبا
والدالية الي كانت بالمحل تعصر تمن جرار
بالكاد في خصلة عنب متمرجحة
بأربع خمس حبات صغار صغار
فتحتلو وجا اندار
قولكن هيدا عتب يما
متل مابتزعل المينا اذا ما تأخر البحار
وقعدت حدا زكرا
يوم الي كنا بالطعش أقل أو أكتر بكم نهار
وشاع الخبر وكتر الحكي
وبلشوا علينا يلمو خبار
وكتر الحكي وصار الدرب صار العشب
حتى الحجر ثرثار
وكل الحكاية سلملت عليها الصبح
وتفركشت خدا عاخدي صار
شو صار
وقعدت حدا زكرا
بيظني لعلو بينفع التزكار
قالت لهون وبس وحياة بيك هس
من بعد يلي صار
من بعد ما مر الزمان ودار
قلت يمكن بعد في بالموقدة شي نار
وغمت شعرها ورحت بدي جدلو
ابتسمت وقالت يا حلو
لم إيدك عيب صرنا كبار
صرنا كبار
..................
ما صدقت عيوني:
...............
ما صدقت عيوني
هي انتي لأ مش انتي
فكرتن خانوني بس طلعتي انتي
هيدا شعرك الي حبيتو
اخترتلو اللون ونقيتو
وهيدي البلوزة الكحلية
والساعة الي جبتلك هيي
وكيف بدك كذب عينيي
وسهرانة ومع غيري كنتي
شامات عاخدودك بعرفا
كنت مغرم فيها وشايفة
ونفناف هالجسم الحلو
حبات لولو قاطفا
كرمالك وقتي ضيعتو
كرمالك عمري لوعتو
كنت مفكر انتي هيي
البنت الي بفديها بعينيي
ما رح انسى شو صار فيي
وما رح تنسي مينك انتي
ولو شو تغير بالدني
وعشرة الماضي سوا
والشيطنة والولدنة
عاغفلة ضاع الهوى
حرقت المكاتيب وخزقت الصور
والجرح ما بيطيب والقلب انغدر
الشمس بعد بتجيب وبيوقع قمر
والحمل والديب بيجمعهن قدر
يا قدر
أهون ما نرجع نلتقي وشوفك بعيوني
وما كذب خبر
وما صدقت عيوني
...........
يا ريت عندي :
..............

يا ريت عندي وآخ لو فيي
ع قد حبي جبلك هدية
كنت بهديكي صبا الوردات وأسرار أحلامي أحلامي أحلامي الطفولية
وكنت بتعمشق على النجمات بسحب شلل خيطان فضية
وبكلف ملايكة وحوريات تحيكلك بلوزة ألوهية
وبالبحر وبالبحر كنت بغافل السمكات
وبغطس متل فكر الحرامية
وبقطف زبد وبقطف زبد من رغوة الموجات
ومن جدايل شمس مرخية
وبكمش ورج وبحملو بوسات بلون أشواقي ماوردية
والطفل كنت بشلحو البسمات وبغرف من عيونو صفا النية
وعرس الربيع بشلحو الغنجات وكل شي معو نهدات عطرية
ومن كل طير بنتف الريشات وبفرش طريقك ريش حرية
وع مروج بسابق النحلات بجبلك ضمير زهور برية
وبطير مع أحلام وخيالات ع بلاد مدري وين مبنية
وبجدلك من سوالف الغيمات مرجوحتك ع كتاف جنية
بغزلك شراشف من الهمسات وفراش من قلبي نعومية
بغزلك شراشف من الهمسات وفراش من قلبي نعومية
وجودلة من السحر ومخدات من شعر آلهة الفينيقية
بفرش ع جفونك هناالغفوات المحروم منها حصا عينيي
بخلي الحلم يحكيلك حكايات عن حالك لحالك غرامية
هيهات لو عندي فعل هيهات
ع قد ما عندي أنا نية
احولك إنتي أنا بالذات
وبلبسك روحي الطبيعية
لكن إذا فشلو التمنيات وعمري وعمري استسلم للعبودية
بترك مني إلك تلات كلمات
محبتي والآه والنهدات
من القلب للقلب يلحبك هدية
ويا ريت عندي وآخ لو فيي

angel eyes
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات المواويل للking
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» لماذا هتلر يكره اليهود؟ (القصة الكاملة)
» كلمات أغاني أجنبية (فرنسي + إنكليزي)
» ترجمة مسرحية oedipus the rex
» **** الحقوا ----CRAZY-MONTADA--- يا اعضاء شيئ عاجل *****
» الإعلان عن افتتاح دورة تعلم ترجمة الأنمي بالفيديو مع King Of MAGIC

صلاحيات هذا المنتدى:لاتستطيع الرد على المواضيع في هذا المنتدى
Wael KfouRy Site :: ((~~!! Multimedia Kfoury World !!~~)) :: كلمات الأغاني-
انتقل الى: